Suatu hari Babenya Juki lagi
mbetulin kandang ayam yang pade rusak. Kagak lame pas lagi mbetulin ntu engsel
kandang ayam, Babenya Juki kehabisan paku. Lah mumpung si Juki ade di rumeh,
disuruhlah si Juki buat beli paku di toko bangunannye Haji Sukirman.
Babe : Juk... Juki! kemari loe...!
Juki : ade ape sih be...? Juki lagi asik-asik nyuci motor, mana belum
kelar lagi...
Babe : udeh nyuci motornye
ntaran aje, sekarang loe belin Babe paku di toko bangunannye Haji
Sukirman
Juki : yaudeh, mane duitnye?
Babe : sono minta nyak
loe... pan loe tau duit Babe sama nyak loe semua...
Juki : nyak minte duit
buat beli paku...
Nyak : mau beli brape duit?
Juki : ntar aye tanye Babe
dulu, Be aye beli paku brape duit?
Babe : goceng aje, pan Cuma
buat benerin nie engsel...
Juki : yaudah be aye
brangkat dulu, asalamuallaikum
Babe : walaikumsallam, Juk
jangan mampir ke rumeh jande ye...
Juki : iye Be...
Berangkatlah si Juki ke toko
bangunannye Haji Sukirman yang kebetulan deket same rumahnye si Juki.
Sesampainye di toko bangunannye Haji Sukirman:
Juki : asalamuallaikum pak haji...
Haji : walaikumsallam, mau cari ape juk?
Juki : pakunye ade gak Ji?
Haji : ade, mau beli berape duit?
Juki : goceng aje Ji
Haji : di bungkus kagak?
Juki : kagak usah Ji, aye makan disini aje...
Haji : et dah!!!, becande aje loe juk.
Juki : hehe... iya ji
Haji : oh iye juk, gimane kabar babelu? sehat?
Juki : kurang tau aye ji, aye bukan dokter. ntar kalo babe aye berobat berarti tandenye sakit. Nah baru
ntar aye kabari kalo babe aye gak sehat ji... gimane?
Haji : ??????
0 komentar:
Posting Komentar