Waras kalo lagi “MABOK”

        Nie cerite gue alamin pas siang-siang bolong gue jalan di sebuah gang deket rumah gue buat berangkat latihan nge-Band (maklum anak kampung yang pengen bener jadi anak band).  Kebetulan pas gue lewat ade dua preman(suke malakin orang yang mau lewat) yang lagi ngejogrok di pinggir gang sambil megangin bungkusan plastik item. Dalam bayangan gue sih, isi bungkusan ntu es kelapa mude ato ngak es buah, soalnye siang bolong gini pan enaknye minum yang seger-seger, tapi pas gue deketin ternyate tu bungkusan isinye botol ACUA (sensor) alhamdulillah. Tapi jangan seneng dulu, isi bungkusan ntu memang botol ACUA (sensor) tapi isi dalemnye ntu botol MIRAS (astagfirullah). Dengan rase takut gue langsung ngeluarin senjate paling ampuh buat ngeliwatin cecurut pade mabok. Nie care gue kasih name JURUS NANGKEP CURUT MABOK. Nie gue kasih tau carenye ye:

Gue : misi bang numpang lewat... (sambil ngeluarin muka polos gue ”kayak bayi baru lahir”). Semakin polos semakin aman.

Ternyate nie care terbukti ampuh buat ngeliwatin cecurut pade mabok. Dalem ati gue (alhamdulillah selamet...). pas baru tige lakah gue ngeliwatin ntu cecurut gue denger ade suare dari belakang gue (Woi!!!) gue langsung nengok ke belakang, e... ternyate ntu cecurut nriakin gue.

Cecurut mabok : sini loe!!! Maksud lue tadi ngomong kayak ntu sama gue kenape? (ekpresi muke

kampret)

Gue : sebelumnye aye minta maaf nie bangnye, aye mau nayak salah aye pas ngomong apaan nie

bang? (ekpresi muke-muke “cute” ala BoyBand Korea)

Cecurut mabok : kagak usah banyak cincau deh loe, maksut loe tadi pas liwat sini bilang permisi

apaan? Hah!!! Apaan? (masih ekpresi muke kampret)

Gue : maksut aye baik bang aye cuman pengen permisi aje ame abang.... (masang muke kayak anak

kucing baru lahir)

Cecurut mabok : gua kagak terima loe ngomong permisi ame gue...(berhenti sejenak, ntu Cecurut

mabok ndeketin gue) ngapain loe bilang permisi same gue coy, nie jalanan bukan punya nenek

moyang gue, tapi nie jalanan milik kite semue coy... loe ngarti kagak? (tampang cecurut mabok)

Gue : iye bang aye nyerti...

Cecurut mabok : lain kali kalo loe lewat sini lagi kagak usah pake permisi, ya udeh sono loe!!!

Gua : iye bang, maafin aye bang...(muke lega kayak abis boker)

Teryate mabok dapat nimbulin efek negatif ame efek posotif tergantung yang minum . Contoh efek positif ya kayak cerite gue barusan ntu. Coba pade loe praktekin pas ngalamin kejadian kayak gue. SILAHKAN MENCOBA...